Gage Skidmore from Surprise, AZ, United States of America, CC BY-SA 2.0, via Wikimedia Commons

Ky artikull u botua për herë të parë nga Vërtetmatës-i (Maqedonia e Veriut), në kuadër të projektit “Qendra kundër dezinformatave në Ballkanin Perëndimor: ekspozimi i ndikimeve të rrezikshme përmes gazetarisë mbikëqyrëse”

Një postim në Facebook po përhap një deklaratë të rreme, që i atribuohet djalit të presidentit amerikan Donald Trump, Trump Jr. Faqja amerikane e lajmeve Mediaite gjeti kohë për të hulumtuar deklaratën, e cila arriti në përfundimin se ajo ishte e rreme, siç dëshmoi zëdhënësi dhe këshilltari i Trump Jr., Andrew Sorabian, si dhe producenti i podkastit në të cilin dyshohet se ishte bërë deklarata, Drew Lynch

Në një postim në rrjetin social Facebook thuhet:

Djali i Trumpit: Më mirë do të kishte qenë që ne të kishim furnizuar me armë Rusinë në vend të Ukrainës.

Ne hasim postime me përmbajtje të ngjashme në vende të tjera, kështu që ky rishikim do të zbatohet edhe për to, por ne do të fokusohemi tek ai me të cilin filluam. Ky postim ndau një lidhje me një artikull lajmesh (një kopje e arkivuar e tij këtu), i cili thotë:

Shtetet e Bashkuara duhet të kishin furnizuar me armë Rusinë, tha djali i presidentit amerikan Donald Trump, Trump Jr, në podcastin Triggered, i disponueshëm në platformën Spotify.

“Unë as nuk mund ta imagjinoj që dikush me mendjen e tij të mirë do të zgjidhte Ukrainën si aleate nëse Rusia do të ishte në anën tjetër,” tha Trump i riu. “Mendoni për këtë – një fuqi bërthamore, e pasur me burime natyrore që të gjithë kanë nevojë.” Vendi më i madh në planet. Kundër një vendi ku ndodhi Çernobili dhe qentë janë rezistent ndaj rrezatimit. Në të njëjtën kohë, administrata Biden tha: po, ky është aleati që na duhet! Le të vendosim të gjitha paratë tona në to!”, shtoi ai.

“Amerika duhet t’i kishte furnizuar Rusinë me armë”, përfundoi djali i presidentit amerikan.

Donald Trump i ri unuk tha gjëra të tilla dhe hulumtimi për këtë rast e ndërmorën gazetarët Isaac Shore dhe Diana Falzone nga faqja amerikane e lajmeve Mediaite, e drejtuar nga Dan Abrams, i cili ka punuar për ABC, MSNBC, NBC dhe media të tjera të njohura.

Shore kontrolloi platformën Spotify, ku supozohej se ishte publikuar podkasti me djalin e Trump, por nuk gjeti asgjë të tillë aty. Një regjistrim më i fundit i Trumpit të ri u ​​gjet në platformën Rumble, por ato deklarata për Ukrainën dhe Rusinë nuk ishin aty.

Mediaite ka kontaktuar producentin ekzekutiv të podkastit në të cilin dyshohet se janë bërë këto deklarata, Drew Lynch, por ai i ka mohuar duke thënë se klipi, i cili tashmë po qarkullon në rrjetet sociale, është i rremë. Këto deklarata u mohuan edhe nga zëdhënësi dhe këshilltari i Trumpit Jr, Andrew Sorabian, në një postim në Twitter të publikuar më 26 shkurt 2025. Regjistrimi audio i “deklaratës” së Trump Jr ka të ngjarë të jetë gjeneruar nga kompjuteri me të ashtuquajturat inteligjencës artificiale.

Prandaj biem në përfundim se këto deklarata që i atribuohen Trumpit të ri janë të pavërteta dhe kjo nuk është hera e parë që ndodh. Vërtetmatësi tashmë ka shkruar për raste të tilla.

Për të shmangur konfuzionin, duhet të theksojmë se Trump Jr, ka vërtet një qëndrim negativ ndaj Ukrainës dhe ka bërë deklarata në dëm të saj, veçanërisht për Presidentin e saj Volodymyr Zelensky, prandaj shumë i kanë besuar deklaratave që kemi diskutuar këtu, por megjithatë ato janë të pavërteta.

Edhe sikur Trump i riu t’i kishte bërë (por nuk i bëri), duhet theksuar se ai është thjesht djali i Presidentit të Shteteve të Bashkuara dhe nuk është president i Shteteve të Bashkuara dhe as ndonjë zyrtar në lidershipin e saj politik, ndaj deklaratat e djalit të presidenetit nuk janë deklarata zyrtare të SHBA-ve. Trump Jr është thjesht një biznesmen që është i interesuar dhe i përfshirë në politikë deri diku.

Duke marrë parasysh të gjitha faktet e deklaruara deri më tani, ne e vlerësojmë njoftimin si të pavërtetë.