Djali në këtë foto nuk është një shqiptar që shërben në ushtrinë e Izraelit. Verifikimi i Faktoje zbuloi se ai është në të vërtetë polici kufitar izraelit Asil Sawaed i cili u vra në Shkurt 2023.
———————————
Në rrjete sociale po qarkullon foto e një djali i cili pretendohet se është një shqiptar që shërben në ushtrinë e Izraelit.
![](https://antidisinfo.net/wp-content/uploads/2024/02/LlVTY-l0CBbZzuJ1hKRGbbvcq73k6jK5pThv-hKrBvKYUqpbBNLsdZIXuS5KbbRLoEqOR8Pn82T5tD9XFnQKOanE2dZOP15H4GkLTcxQcMMz1zS_4jiFBnQHIu9s3x89shnC_BHooRCYPB8Ze2f-w9g.png)
Megjithatë, një kërkim me anë të motorit të kërkimit të imazheve Tineye zbuloi se foto e mësipërme nuk tregon ndonjë djalë shqiptar të quajtur Gëzim Palaj.
Në të vërtetë, djali në foto është një polic kufitar izraelit i quajtur Asil Sawaed.
Sipas një artikulli të gazetës izraelite The Times of Israel, 22-vjeçari Sawaed vdiq më 13 shkurt 2023, pasi “u godit me thikë nga një adoleshent palestinez dhe u qëllua aksidentalisht me armë nga një koleg në një pikë kontrolli në Jeruzalemin Lindor.”
![](https://antidisinfo.net/wp-content/uploads/2024/02/D3WS3qLaU1X8lP5zVLulHSPJeL08hsVZUrobSLocAFA1quBBuGNQVJxf_kE75BnMf3zeiQ-SYEXGvgp-tInGKhyx6HP3Y_WSrS8_B4rXyJM_9KFqfk5vKxMtpuiL3D8C1rFGruJymQXcxI6C8xgK_bM.png)
Artikulli i gazetës izraelite e identifikon djalin në foto si Asil Sawaed nga fshati Hussniyya
Në Qershor 2023, ushtria izraelite njoftoi familjen e 13-vjeçarit që goditi me thikë Sawaed se shtëpia e tyre do të shembej. Sipas The Times of Israel, është politikë e Izraelit të shembë shtëpitë e palestinezëve që akuzohen të kenë kryer sulme vdekjeprurëse. Efektiviteti i kësaj politike është debatuar shumë, edhe brenda vetë organeve të sigurisë izraelite, ndërsa aktivistët e të drejtave të njeriut e dënojnë praktikën si dënim kolektiv i padrejtë.