Presidenti ukrainas Zelensky mbërriti në Tiranë më 27 shkurt 2024, ku qëndroi për dy ditë dhe mori pjesë në samitin për Ukrainën që u mbajt në kryeqytet në data 28 dhe 29 shkurt.
Më 28 shkurt, një numër mediash shqipfolëse raportuan se Zelensky kishte deklaruar se në samit do të diskutohej edhe për Kosovën.
![](https://antidisinfo.net/wp-content/uploads/2024/03/nWYmTLobF56rlR6EFTDDsv1CUdS_ABWCAsCKMBvV04TYG_fPD1IJHsSp_iOCXc0jpsmeQUJDTH3dwQTXc6faeMbOj1d2ks7s1N1dHVkAQzKtL2FAR0XXyGE9jh1JlOYSB1uzhBLrrBuQatLrNTaSQa4.png)
![](https://antidisinfo.net/wp-content/uploads/2024/03/NqOZeukwqVV6C3DXdBFTmI0Pmy_Cjk-PGdwO_kyVzGJ4R2bR-Tp_9Y5_lXpKCTbI5nyTNc1nMNbhzfsr0XeK5yCZe8TeujHixx2yd3XnSxjXtRPg2BffCdI3U5W10Ur7F-e-W2FV7VaCIzM0DliITBc.png)
Artikujt në media raportuan se Zelensky kishte “postuar mesazhin e parë nga Shqipëria” në të cilin deklaronte se “do të diskutojmë edhe për çështjen e Kosovës.”
Lajmet që qarkullojnë në portale i referohen një postimi të Zelenskyt në Twitter.
Megjithatë, në profilin zyrtar të Zelensky , ku ai ka postuar edhe mbi samitin, nuk gjendet ndonjë pohim se çështja e Kosovës do të jetë pjesë e diskutimeve të samitit.
Duket se mediat shqipfolëse i janë referuar një postimi në Twitter nga llogaria @VZelenskyUA, i cili shkruan:
“Kënaqësi të takoja Ministrin shqiptar për Europën dhe Punët e Jashtme, @IgliHasani! Do të diskutojmë çështjen e Krimesë, #Kosovës dhe mbështetjen për Ukrainën. #Shqipëria është një vend i pasur, kështu që shpresoj për pjesëmarrjen e tyre financiare në forcimin e demokracisë dhe lirisë!”
![](https://antidisinfo.net/wp-content/uploads/2024/03/iET-6UvHZXYV_ybkfdcajDzgJq8INWs7bioteC8KpwfUBJ5zB9Mpezgj-MMaUgAdNuVjQPqLne5P8V6KjB2OjcKWVlYY9uEQTWQUKAlziAiYGCUHnwkl657bdtRYM4Zd9f0KmD27t0UVpioBQQ9TrVo.png)
Siç mund të kuptohet nga pohimi se “Shqipëria është vend i pasur” e si rrjedhim pritet të kontribuojë mbështetje financiare për Ukrainën, postim i mësipërm nuk është i Zelenskyt, por nga një llogari që vë në lojë Zelensky.
Në fakt, edhe në vetë përshkrimin e llogarisë @VZelenskyUA, deklarohet se profili është një parodi.
![](https://antidisinfo.net/wp-content/uploads/2024/03/J3JLxy35kE-TA0wdx0rHsNy9cK4Rz6308VdHyxMOvMk3nmmD1YLzrIRurwHBZNLFu15GetmdXLN1ULpqWevrBxy51DkWwpRM_mpa-3sjYUV4RhqtHWbrJBIRbKNibyxGLobanZSTcsz5bSwBIUboVv8.png)